كل ما طل صبح جديد بحب عمري أكثر
بوعا عــا نهار سعيد وقلبي بيكون اكبر
اكيد انت بتعرف ليش. صح؟
وإذا ما عرفت إسألنـــي
وبخبرك شو في بين شفافي حكي
وبِعِلْمَك بكل اللي بينتابني
وبحطــك جواة خفقات القلـب
تبحبش.. تفتش.. وتنقــب
يمكـن تلاقي هونيك جواب
أو يمكن علامة أو إشارة
وخلال فترة البحبشة والاثارة
دير بالك على شـرياني
شرياني وكل دماتي
وقلبي الساكن عالهدا
وأنا.. أنفاسي وكلماتي
أمانة عندي، بخاف عليها
لأنها كلها إلك….. مش لحدا
أنا وأنفاسي وكلماتي
أمانة إلك يا غالي
بهتم فيها بكل لحظة
مش بس كرمالك كمان كرمالي
ولما انا بهيك حالة
شو قولك ليش بحب عمري أكثر
ـــــــــــــــــــــــــــــــــــــــــــــــــــــــــ
التصنيفات : زجل |
